|
left.jpg
|
|
| Դավադիտ | այս անգամ խոսքը գնում է հոգին հանելու, չափն անցնելու, ծայրահեղ գործողությունների դիմելու անխուսափելիության և նմանատիպ անցանկալի հոգեվիճակների մասին: Օրինակ, երբ վերևի հարևանը ամեն անգամ ջուր է լցնում ձեր գլխին, իսկ դուք էլ նրան ամեն անգամ մուտքում տեսնելիս զգուշացնում եք, սակայն նրա` "Աբո ջան վարիանտ չկա, որ իմ տնից կաթի. տրուբեքս ներժավ ա, անցած տարի եմ փոխել, մերոնք էլ էդ հարցում շատ զգույշ են" պատասխանից հետո, միևնույնն է` շարունակում է դավադրաբար կաթել, ուրեմն ձեր հարևանը "դավադիտ ա" արել, ու մի օր ձեր համբերության բաժակը լցվելու ա… |
|
| Շոպլիկ(ություն) | անկեղծ ասած, լրիվ անծանոթ արմատներով արտահայտություն է, որը հակառակ իր անծանոթ ծագումնաբանությանը, այնուամենայնիվ, բավական լայն տարածում ունի, և գործնականում ներկայացնում է այնպիսի մարդկանց ու նրանց վարքագիծը, որտեղ առերևույ է քծնանքի, հարմարվելու միտումը: Փաստորեն, "շոպլիկն" այն մարդն է, ով քծնում, կեղծավորություն է անում մեկ ուրիշին, բնականաբար` հետապնդելով սեփական շահեր, ասել է` թե "շոպլիկություն" է անում: |
|
Աբեզալովկա
| նորից գործ ունենք ռուսական արմատի հետ: Այս արտահայտությունը շատ ճիշտ ներկայացնում է այն հոգեվիճակը, որը տեղի է ունենում ինչ որ բան չուզենալով, ստիպված, ինչ որ մեկի պարտադրանքով անելիս: Ոմանց համար "աբեզալովկա" կարող է լինել ոչինչ չտվող աշխատանքին ներկայանալը, հիվանդ ազգականին այցելելը:
|
|
| Պիսկել | անհայտ արմատներով արտահայտություն է, որի հիմքում բավական որոշակի գործողություններ են, որոնք, որպես օրենք ուղեկցվում են դիմացինի վրա բռնարարքի գործադրմամբ: Ընդ որում` այդ բռնարարքը կիրառվում է ինչպես սառը զենքի, այնպես էլ` հրազենի միջոցով: |
|
| Ճաքել | այստեղ խոսքն ամենևին չի գնում այնպիսի ֆիզիկական գործընթացների մասին, ինչպիսին ասենք, սողանքներից առաջացող պատերի ճաքերն են` դրան հաջորդող բոլոր անցանկալի հետևանքներով: Ներկայումս, հատկապես կյանքի բարդ ելևեջներում իրենց տեղը փնտրող երիտասարդության շրջանում, "Ճաքել" - ը գործածվում է, ասենք, ինչ-որ շատ ծիծաղելի իրավիճակներում, այսինքն` երբ ծիծաղից ուղղակի կարելի է "ճաքել":
|
|
Պիտնո
| ռուսերեն "пятно" բառն է, ասել է, թե` "բիծ", "լաքա": Հիշում եք "Լաքա Սիրակին"` Դովլաթյանի "Մենավոր ընկուզենուց": Ինքն էլ էր փաստորեն "պիտնո" գցում իր hամագյուղացիների անբասիր հեղինակության վրա: "Պիտնո"-ն, փաստորեն, այն ամենն է, ինչ ստվեր գցում է մարդու վարքագծի ու անվան վրա և պետք եղած դեպքում զենք դառնում նրա իսկ դեմ:
|
|
| Ծվըցնել | այս հակասական զգացմունքներ առաջացնող բառն արտահայտում է այնպիսի համալիր գործողությունների բովանդակային էությունը, որոնք տվյալ սուբյեկտին, այսինքն` տվյալ գործողությունն իրականացնողին հոգեկան կամ ֆիզիկական լիակատար բավարարվածություն են ապահովում: Կարող է հոմանիշ լինել մեր կողմից նախկինում ներկայացված "լացըցնելուն": |
|
| Չմո | գործ ունենք անհայտ ծագումնաբանության հետ, սակայն կիրառության ոլորտները միանգամայն աներկբա են: "Չմո"-ն, որպես օրենք, օգտագործում են այս կամ այն բավականին անցանկալի ու տհաճ անձնավորությանը պիտակելիս: "Չմո" կարող է լինել, օրինակ, այն քաղաքացին, որը հագնված է անճաշակ ու հնաոճ, մաքրում է քիթը հասարակության մեջ, կոշիկների կապը քանդվել է, իսկ նա դա չի նկատում, անտեղի ու հիմար հարցեր է տալիս, չի պատկերացնում, թե ինչ հետևանքներ կարող է ունենալ հայ-թուրքական սահմանի բացումը և այլն:
|
|
| Ալաֆ | անհասկանալի ծագումնաբանությամբ արտահայտություն է, որը լայն առումով կարող է փոխարինել մեր սոցիալ-տնտեսական իրականության ամենաանբաժան ու նաև գայթակղիչ ատրիբուտ հանդիսացող կաշառքին, մաղարիչին կամ դրանց ամենատարբեր ու բազմաբնույթ դրսևորումներին, որոնք, ինչպես գիտենք, հաճախ քողարկված տեսք ունեն:
|
|
Նաֆար
| այս թուրքա-արաբական հնչեղությամբ բառը կարելի է հոմանիշ համարել մեր գրական տերմինաբանության "շունչ", կամ ավելի կենցաղային` "ուտող բերան" արտահայտություններին: Փաստորեն, հերթական անգամ մարդահամար անցկացնելիս, պետական համապատասխան մարմինները հաշվում են տվյալ երկրում բնակվող նաֆարների թիվը: Նաֆարով կարելի է որոշել նաև պետության, հասարակության կորիզը հանդիսացող ընտանիքի անդամների քանակը:
|
|
|
1
2
3
4
5
6
7
8
9
10
|
|
|
